Lista de imagenes | letraxletra

Transcribiendo Página 1

Transcripción:

INTERNUNTIATURA APOSTOLICA
IN
REPUBLICA CHILENSI

IN DEI NOMINE, AMEN.

Utentes Apostoliv[c]a auctoritate qua fungimur, attentis precibus Donae. Josephae Davila De Valdés, necnon R.P.D. Archiepiscopi huius Archidioeceseos commendatitiis, praefatae oratrici benigne indulgemus ut in privato domus suae habitationis sacello, in hac civitate S. Jacobi de Chile existentis, ad hoc muro extructo et ornato, sou extruendo et ornando, ab onmibus domesticis usibus lbero, et ab Ordinario ipso, sive per se, sive per ecclesiasticum virum, prius visitando et adprobando, dummodo licentia huiusmodi quae adhuc duret alteri eiusdem domus concessa non fuerit, unam tentum Missam pro unoquoque die per quem cumque sacerdotem rite probatum saecularem, seu de superiorum suorum licentia regularem, absque quorumcumque iurium parochialium praeiudicio, in sua praesentia celebrare facere licite possit ac valeat. Exceptos tamen volumus ab hoc indulto omnes Dominicos et festos per annum dies, insuper et tribus ultimis diebus maioris Hebdomadae; sed in casu dumtaxat Indultariae infirmitatis, qua impar sit publicas Ecclesias adire, per mittimus ut Sacrum fieri valeat in oratorio ut supra concesso etiam festis diebus superius exceptis, et Missa ibi celebrata ipsi Indultariae et, ultra Missae inservientem, consanguineis et affinibus cum ipsa sub eodem tecto commorantibus explendo Ecclesiae praecepto de audiendo Sacro suffraegetur; facta semper eisdem potestate ut, infra Sacrificii actionem, Sacra Synaxi refici valeant. Praesentibus ad Indultariae vitam valituris, et contrariis non obstantibus quibuscumque.
Datum Sancti Jacobi de Chile, ex aedibus Apostolicae Internuntiaturae, die vigesima octava mensis Augusti anno 1916.
[[sello]]
[[firma]]

Comparte